亲解老婆吓到冇表情之谜 王浩信指坐得耐又冻：攰都唔出奇
2021-01-11 15:45 
TVB《万千星辉颁奖典礼2020》于昨晚举行，所有奖项都尘埃落定，当中王浩信凭《踩过界II》膺双料视帝，同时凭《反黑路人甲》与张振朗、朱敏瀚夺得最受欢迎电视拍档，成为大赢家。受访时，浩信表示：「原本冇太大信心得奖，但都希望赶返嚟参与颁奖礼，感恩今次大丰收，亦要多谢郑则仕当年教导。」他又否认发表得奖感言时讲错《反黑路人甲》，并谓：「因为『盲侠』之前讲过，演员嘅奖项系计一年嘅努力，所以名都只系虚名。」
提到在台上罕有公开感谢太太陈自瑶（Yoyo），浩信强调：「之前得奖都会公开多谢佢，系由心感激佢嘅一句说话，我觉得喺咁有份量嘅舞台上多谢佢系是应该嘅。」有指Yoyo在台下吓到冇表情，他说：「可能天气寒冷，又坐咗一整晚，大家感到攰都唔出奇。（Yoyo上台揽你？）系，佢送上祝福，我都好开心，多谢佢。」问到会否与家人庆祝，他坦言：「今晚唔会庆祝，因为返到去大家都已瞓咗，自己生日都唔会庆祝，一向好少庆祝。」
骚后，二度夺视帝的浩信就步出电视城，跟门外守候的10多名粉丝合照，粉丝们又送上蛋糕、香槟和鲜花祝贺浩信；而在他现身前，声称冷亲感不适的Yoyo已先行离开，并由萧正楠（Edwin）与黄翠如夫妇驾车送回家，其间Edwin又特意停车，让翠如接粉丝的礼物，做在后座的Yoyo就一直低头玩电话。
關鍵字
最新回应