【维港会】见工遭人闹足五分钟 网民：其实后生唔系错

疫情下不少人都找不到工作，见工时更有可能被问及诸多问题。近日有网民于网上分享，指见工时遭人百般刁难。

事主今日于FB专页「奴工处」投稿，指自己去一间体育用品公司面试时，被负责面试的中年女人足足闹了5分钟。事主解释指，「原因系当佢问我对于自己有咩期望，我话想take一个senior啲嘅角色，嘢都未讲完佢即刻话：『吓？你咁后生就想做senior？你啲嘢识晒啦？』」。

事主又指该面试官用了5分钟的时间质问他，「讲我咁后生会唔会太过自信，话从我眼神睇得出唔系好需要呢份工同埋唔会顶得顺佢，仲问埋我系咪独子、屋企人做咩」。

该事主对此感到十分气愤，于帖文直斥「啊婶呀，我知你想串我喺温室长大，但其实后生唔系错㗎，有野心有目标都唔系错㗎，重点系我嚟见工咋，你未出粮比我㗎！」。

不少网民看完后都表示面试官有问题，「典型老屎忽心态，觉得自己一定叻过哂啲后生」、「依啲人知你紧张份工，仲要落井下石」，亦有网民留言指曾遇过类似的情况，「情况同你一样，佢仲问我屋企人做咩工嘅时候，我直接同佢讲我屋企几时关你事」。