晒仔女练拳舞剑照片 吴尊扬言唔好恰佢哋
2020-12-02 16:10 
台湾男子组合飞轮海于05年成军，当年红到黐线，近年各自单飞，但成员感情依然深厚。成员结婚或生日都会出席庆祝或网上隔空恭喜。
当年最红嘅吴尊都41岁，近年唔只将仔女挂喺口边，仲不断将家庭照放上社交平台，谂起当年佢畀人爆有个女嗰阵闹晒鬼就好笑，总之而家佢系廿四孝老窦，之前「忍痛」离家飞往内地工作，临行前更揽实妻女道别。
话咁快吴尊大女吴欣怡(Neinei)及囝囝吴鑫乐(Max)分别10岁及7岁，两姊弟出镜率好高，今日靓仔老窦又贴两姐弟嘅相，相中两人分别舞紧剑及练紧拳，长腿家姐好有功架，细佬揸拳亦好有劲度，老窦留言话「这一家人可不是开玩笑的，别欺负人啊。」吴尊咁大只又咁有背景，其实边有人够胆虾佢啲仔女吖。
關鍵字
最新回应