【维港会】揭任教师丈夫偷食女学生上酒店 港妇心碎：扮好男人好易

影星张学友在电影《男人四十》饰演一个与17岁女学生发生师生恋被妻子揭发的教师，而现实中也有类似的中年危机。网上讨论区「亲子王国」有女网民发文，揭发结婚逾10年、任职中学教师的丈夫，与一名女学生偷偷传情，女网民情绪大受打击，是向网民求救如何是好。

女事主说，丈夫是中学老师，「最近俾我发现佢食学生妹，用IG传情，有晒情欲对话，我问佢，佢话自己一时糊涂迷咗落去，同我讲对唔住」。丈夫声称学生已毕业升读大学，又承诺「以后唔再搵对方，知道自己做错了」。但女事主表明，事件被揭发一个月，「我真系接受唔到自己老公去搞学生妹，我觉得好恐怖」。

女事主慨叹，「拍咗拖10年先结婚，结咗婚都有10年，可能爱情变了亲情，佢已经忘记咗以前一起捱穷嘅辛苦日子，贪玩要新鲜感要刺激偷情嘅感觉」。女事主以为过了七年之痒，可以与丈夫一生一世，「从没有想过佢会出轨，同学生妹搞婚外情。这个月佢好努力想我开心，但自问唔可以当冇事发生，我好纠结自己应该如何做，如何走下去。」

女事主透露，被揭发前几日，「佢哋（丈夫与女学生）约咗去酒店，几小时可以做到好多事」。她直言，与其去怪个廿岁妹妹没有道德破坏别人婚姻，「我最嬲系个老公咁冇定力，只有几个小时都要同个学生妹去开房。谂下都痴线。我睇返唔同记录，其实佢哋开房后，佢系赶住嚟接我放工，扮好男人原来可以好容易。好彩上天有眼俾我发现到个事实」。

不少网民都説无法忍受丈夫婚外情，有人斥责「即系你未发现佢会继续偷食，依家发现佢话分开」、「学生妹比起做紧嘢嘅女人点都易氹易得手，你老公真系枉为人师，如果个学生妹有日去学校揭发件事，你老公应该以后都唔洗再教书」。

有人建议，「如果个女仔已经唔系佢学生，冇咁惊吓，现在大学生好多出来援交，你老公只系一个客。唔好咁快下决定，畀一个限期自己，例如半年，睇下你老公系咪真心挽回你，睇下你能否离开佢。如果佢唔断小三，就放弃佢啦」。

也有网民分享婚外情见闻指，「我识人个老公同学生搞上，之后临生时忍不了，赶老公走！最后系离婚，老公同学生再婚！」、「见过个老婆劲大方咁原谅佢，照唔离婚个B照生，仲以为个老公修心养性，其实一直到佢生都唔知个男嘅玩得更小心同换咗第二个女玩啫，两个仲不时晒恩爱」