【Mean爆网民】麦明诗被嫌门牙有隙好核突　冯盈盈约友擦蟹饮到红都面晒

自从今年5月爆出「富豪船P」罗生门事件后，冯盈盈和江嘉敏似乎已变成「过气闺密」，两人IG都再冇Po过一齐Afternoon Tea、食饭的打卡照，仲开始各自另觅新玩伴与饭脚。而近期扮晒美剧《Emily in Paris》主角Lily Collins，日日于IG晒各式戴画家帽造型照的盈盈，相隔多月，终于贴出私下约友人食饭的合照了！而今次就有一齐主持《#后生仔倾吓偈》、《荷兰好玩》的好拍档麦明诗（Louisa）陪食大闸蟹，相中面都红晒的盈盈估计饮咗啲酒，Louisa都留言笑道：「@crystalfyy 你好似有啲红wor～」盈盈识做表示：「见到你嘛☺️ #longtimenosee」一众粉丝见到两位女神合体都好开心，但都有不少眼利网民放错重点，留意到箍紧牙的Louisa门牙有古怪：「门牙分开咗嘅？」、「哗，做咩对牙有隙」、「Louisa讲真㗎，请你整靓番棚牙，好吗？太容易睇到，太核突喇！」