【独家】拒搵「快钱」唔恨入豪门　33E张沛乐靠自己赚钱买楼

历代性感女神邱淑贞、叶玉卿及林熙蕾等统统做晒少奶奶，不过个个都嫁入豪门，唔通个个都想嫁入豪门咩！现年28岁的E Cup「沙律」张沛乐于16年凭ViuTV选美真人骚《美选D.n.A.》弹出，入行6年来，无论拍戏、广告或综艺节目，拥33E、23、34.5激凸身材的她都性感上阵，无奈惹来淫媒问价，沙律激动回覆：「我唔会做呢啲嘢罗，黐线！」回复单身的她强调「讲Feel唔讲金」，就算有钱仔追求，沙律表示唔夹一样No way，更盼努力工作靠自己储钱置业！撰文：黎宝伦　摄影：张咏森

张沛乐早前参与ViuTV新剧《熟女强人》拍摄，首演同性恋者的她与傅颖（Theresa）大谈「SheShe恋」，惜今次激情戏留待 Theresa和吴千语发挥，至今只拍过吻戏的沙律也自言想试，希望萤幕「第一次」献给男演员，那么可有想合作的男神？她怕丑笑谓：「都冇乜⋯⋯我净系锺意郑元畅，我好少觉得啲男仔好正，但细个睇《恶作剧之吻》第一次有情绪，之后一直都有留意佢。（有机会合作即𦧲饭应？）哈哈，有先算啦。」

引狼抽水问价
拥33E火辣身材的沙律，前年才爆出被男艺人借故抽水，问有否阴影？担心案件重演？当时忍气吞声的她说：「冇，基本上大部分人都好专业，唔会做呢啲嘢。其实遇到唔好嘅事都主张Say no、话畀人听，但你岀声又会畀人话搏上位，不过我都睇化，而家专注做好工作，人哋做错嘢亦唔会纵容！（再遇到点避？）大家沟通好先，有事就搵啲嘢转移视线走罗。」行得性感难免遭人「问价」，曾被撩陪老细一夜情的沙律又笑言：「我心谂傻嘅，自己搵钱唔好？点解要稀罕呢啲嘢呀！我觉得女仔要有矜持同搵钱能力，我就唔愁搵钱罗，深信自己做乜都得，有手有脚又识讲嘢，冇理由做嗰啲。」

搵钱唔靠男人
去年尾宣布跟拍拖3年多的林耀声分手，回复单身的沙律亦不乏追求者，但她说：「师傅话我适宜晚婚，同埋原来自己都几挑剔，我觉得Feel愈嚟愈难搵，其实基本条件就得，最紧要两个人相处夹唔夹、价值观相近。（做艺人难搵对象？）系个人问题啫，现阶段都好难有心情了解一个人。」现时专注事业的她又计划储钱买砖头，目标先于两年内储到100万，记者笑指嫁入豪门便可加快愿望成真，曾拒绝有钱仔追求的沙律称：「 使乜啫，自己印印脚唔得咩！我从来冇谂嫁有钱人，好彩屋企都唔系好贫穷，算小康之家，所以钱唔系我人生目标，反而想努力工作证明自己。」