长城晒招牌香肩温碧霞难忘老公孭她登城做「好汉」

2020-09-22 14:40

温碧霞(Irene) 目前仍身在内地马不停蹄工作，早前偷得浮生半日闲重游北京故宫，令她在32年前的回忆全部返番嚟，但可惜时间太赶未能登上长城，令她对长城一直念念不忘，日前Irene完成多地工作后，终于折返北京，仲盛装登上万里长城影写真相，大晒招牌香肩，做个性感「好汉」！

Irene好开心说：「北京踏入初秋，好舒服呀，我哋到长城嗰日，天气好到不得了，公司安排咗摄影队顺道喺长城拍摄明年推出嘅国内写真，好多年冇去长城喇，好雄伟壮观。」

身处壮观宏伟的万里长城，Irene忆起当年老公Kenny的甜蜜往事：「记得第一次去长城系拍《中国最后一个太监》嘅时候，拍完通宵戏，然后早上去长城睇日出。第二次去长城系同Kenny去嘅，好记得行上去嘅时候，因为佢见我太累，然后就孭我上去，He is so sweet，时间飞逝，我哋感情依然好好，𠵱家更加懂得珍惜呢段感情，𠵱家当我累嘅时候，佢依然会孭住我，佢系个完美情人。」Irene希望月尾可以通关，返一返香港陪家人过中秋，再返北京灌录新歌。