星岛日报

【独家】同王浩信车厢激咀忍唔住笑 张振朗唔想再拍裸跑戏

2020-08-20 19:47
张振朗唔想再拍祼跑戏,因为真系好尴尬,好冇安全感。
张振朗唔想再拍祼跑戏,因为真系好尴尬,好冇安全感。

去年夺得「飞跃进步男艺员」嘅张振朗(Owen)受TVB力捧,告别「地狱黑仔王」之名。主演嘅新剧《反黑路人甲》中仲有好大发挥,除咗有唔少打斗场面外,仲要牺牲色相裸跑兼要同王浩信有激咀戏。问到跟王浩信Kiss有咩感觉?最近同女友杨偲泳好Sweet嘅张振朗语带双关:「我好『正直』㗎。」采访:方骞平 鞋履:HOAX

张振朗唔想再拍祼跑戏,因为真系好尴尬,好冇安全感。
张振朗唔想再拍祼跑戏,因为真系好尴尬,好冇安全感。
张振朗连影相摆甫士都要化身铁骑士,可见对电单车著迷程度。
张振朗连影相摆甫士都要化身铁骑士,可见对电单车著迷程度。

在《反黑路人甲》中饰演卧底嘅张振朗因为同王浩信第二次合作所以好有默契,「我哋同一个channel,都系『无聊』底,所以戏外经常会倾偈度啲新嘢出嚟。」Owen表示今次同王浩信hehe情升华咗,拍亲热戏拍到忍唔住大笑。「我哋喺车厢入面有场狂风扫落叶式嘅咀对咀戏,我哋做咗好多唔同肢体动作,拍嗰阵我系完全忍唔到笑,因为当时我连佢呼吸同心跳声都听到,一听到就觉得好想笑。」

新剧中他同王浩信嘅hehe情升华咗,仲会喺车厢有亲咀戏。
新剧中他同王浩信嘅hehe情升华咗,仲会喺车厢有亲咀戏。
跟「人妻」赖慰玲有牀戏,他指对方好专业,大家互相信任。
跟「人妻」赖慰玲有牀戏,他指对方好专业,大家互相信任。

做乜女友都咁支持
在剧中,张振朗要拍一场裸跑戏,当事人强调好难忘,仲唔希望拍第二次。而对于跟同性拍咀戏,他坦言较跟异性容易Handle啲,尤其同相熟演员拍摄,话嚟就嚟先冇咁尴尬。「连女友都好奇追问『场戏好唔好睇?』,套剧宗旨想观众睇得开心,喺疫情下笑返一晚经已好满足,而我嘅演技,当然有进步空间啦!」张振朗最近迷上玩电单车,更花10几万添置咗部怀旧电单车享受男人的浪漫!他说:「揸住电单车去山旮旯地方周围探索,系enjoy时刻,不过,喺好安全情况下,我先会载埋女友出发,始终电单车比较唔安全,但佢好锺意我揸电单车,因为觉得好型。」

张振朗骑住10几万嘅Harley-Davidson,享受男人的浪漫。
张振朗骑住10几万嘅Harley-Davidson,享受男人的浪漫。
张振朗会问朋友借部绵羊仔,喺安全情况下载住女友杨偲泳去兜风。
张振朗会问朋友借部绵羊仔,喺安全情况下载住女友杨偲泳去兜风。
张振朗仲会扮纯情学生妹,连佢都话造型恶顶,怕观众会打爆电视机。
张振朗仲会扮纯情学生妹,连佢都话造型恶顶,怕观众会打爆电视机。
剧中会同王浩信上演一幕搞笑版《天若有情》。
剧中会同王浩信上演一幕搞笑版《天若有情》。

最新回应

關鍵字

相關新聞

热门文章