同舒淇留台避疫情兼度假冯德伦食猪脚面线贺46岁牛一

2020-08-10 09:00

2016年，舒淇及冯德伦宣布结婚，两公婆各有各忙，大时大节或双方生日先会贴吓合照放吓闪，咁恩爱唔一定要讲出嚟，唔觉意渗出嚟先至甜死人。

月初，林熙蕾喺IG贴出跟好友舒淇的合照，原来林熙蕾同舒淇及林心如约埋去宜兰嘅民宿度假，同行嘅仲有三女嘅老公，星级夫妻档齐齐去玩。从合照中可见舒淇托住头，再贴住老公甜笑影相，少女味出晒嚟。

因为疫情影响，陪老婆留台一段时间，8月9日生日嘅冯德伦顺便在台过埋46岁牛一，生日餐唔系浪漫烛光晚餐，系唐餐，有蒸鱼有瓜有菜仲有好紧要，台湾人传统过生日必食嘅猪脚面线，当然仲有生日蛋糕，蛋糕好有型，立体嘅，有个卡通冯德伦，仲有套鼓同埋一个写上最帅导演嘅电影拍板，见到林熙蕾都有贴蛋糕相，应该有陪冯导过生日，生日快乐呀。