与何雁诗保持距离郑俊弘劝喻未婚妻留家做直播较安全

2020-07-19 18:42

何雁诗新歌宣传人员阿佳昨日确诊新冠肺炎，郑俊弘(Fred)昨天喺TVB做嘢时听到同事提及，即担心地致通知，何雁诗反过嚟叫他唔使太紧张，因为最近1次见阿佳系10日前，不过，何雁诗寻晚都即时去咗医院领取深喉唾液样本樽，今早吐口水去验，之后还会再去另一诊所做多一次检测，预计今晚便会有检测结果。他对未婚妻有信心，相信她应该无事。而Fred喺几日前同样做咗检测，得出结果系阴性。

Fred表示，目前与何雁诗喺家中各自戴上口罩及保持距离，就算有结果后也会继续隔离。至于可有影响到工作？Fred称，原定无线有两个show要录影，为咗安全冇出席，而下周二嘅《流行经典50年》也停厂：「暂停都系应该嘅，今日有过百宗确诊个案，大家要谨慎啲好。」Fred坦言，好多嘢不似预期，包括疫情下宣传新歌要承担嘅风险，所以𠵱家都系留喺屋企做直播较好，疫情下都唔建议何雁诗外出做访问同埋做宣传，而他都系留喺屋企跳绳，保持做运动。