【独家】佗第二胎遇着疫情 宋熙年连外卖都唔敢食

宋熙年（Sarah）早前宣布为老公陈智燊怀第二胎，预产期为9月，而她打算迟点才公布BB性别。现在顶着7个月孕肚的她，头3个月佗得较佗囝囝时辛苦，除妊娠反应较大，加上遇上疫情亦令她和老公相当担心，连好想食嘢也要忍口，外卖也不敢食，专心留家避疫养胎，幸好现在佗得相当稳定。撰文：杜淑霞 摄影：谭壹致

有过第一胎经验，Sarah本来谂住今次会佗得好顺利，点知疫情打乱了她阵脚，「上一胎因为冇经验，都要睇书问朋友，呢一胎谂住有少少经验，凑仔都识少少，点知就遇到疫情，喺呢方面有少少手忙脚乱，要做啲咩防疫令到屋企人安全啲，我哋都好担心，特别囝囝仲咁细，跟住我又怀孕啦！」

望囝囝做温柔哥哥


Sarah谓一岁多囝囝陈裕炘（Damon）虽然唔肯戴口罩，幸好未识扭计去街，反而是她妊娠反应比较大，冇得出街较辛苦，「上次佗BB头3个月，好想食就会出街食或者买嚟食，呢一胎多数喺屋企食，但有啲好想食嘅嘢，屋企未必可以煮到，譬如有啲好唔乖嘅珍珠奶茶呀！或者想食啲酸酸辣辣，睇韩剧又想食泡菜，唔会即刻有材料，以前就即刻出去食，但𠵱家就唔会，老公觉得未好了解疫情，唔好买咁多外卖返嚟食，所以嗰阵时系我最辛苦嘅时间，因为反应系最大。」



有过今次疫情经验，Sarah会更加注重一家人健康，「冇健康真系乜都做唔到，所以我哋全家都有买医保，好似FWD富卫『尊卫您』自愿医保计划咁，我哋一家都会买，第时BB出世都多啲保障。」她又透露正在教囝囝学做哥哥，「佢初初见到我个肚会话波波，𠵱家会识得好温柔咁摸同锡锡，我最感动佢会帮只熊仔襟被再锡佢一啖，希望佢第时都系个温柔嘅哥哥啦！」