【独家】Think Big女神与AV女优经理人合作　邱晴唔卖34寸半胸卖得意

2017年，当年17岁的邱晴（Mandy）参选港姐，虽然5强止步，但落选后即签约无綫担任儿童节目《Think Big天地》。凭着一副甜美笑容、5尺7寸半身高、34寸半上围及42寸长腿，Mandy获网民力推做儿童节目女神，虽然有大好上位机会但她却于上月初离巢外闯，更打算搞网上儿童节目，她说：「始终电视台多限制，我比较搞鬼，又唔想困喺一个地方。」她正秘密练兵，随时杀入乐坛，20岁的她大把世界。撰文：黎宝伦　摄影：谭壹致　场地：FlamesGrilledChicken　鸣谢：Barry@巧松啲

在效力无綫的3年间，曾在台庆中头奖获得52万奖金的邱晴除了固定主持《Think Big天地》外，也参演过综艺节目《美女厨房》及剧集《爱．回家之开心速递》、《白色强人》等，演出机会尚算不少，但她仍选择离巢并跟日本AV女优浜崎真绪的经理人合作，令不少男Fans非常期待及疑惑，究竟Mandy之后会唔会有性感演出？提到性感，Manday即落闸：「合作啫，唔系签约，加上每个人都有唔同嘅路线，佢哋行美丽，我就行返得意。」以美丽形容日本AV女优的确几搞鬼。她之后再强调自己比较保守，只想行斯文路线。问到是否妈咪唔畀?「佢想我清纯啲，但都好Free 冇限制，只要做嘅嘢对得住良心。」

赞好马明
讲到以往多演清纯少女，年仅20岁的Mandy亦自问演绎唔到妖艳角色，早前客串新剧《BB大晒》时要挑逗马国明（马明）更紧张到拍摄前搵妹妹彩排，「本来要摸马明大髀，但我完全唔识勾引人，所以系劲难嘅挑战，如果要演呢啲角色，我会好惊、好担心。」问到拍摄时马明有无Feel到佢好惊？一提马明，Mandy即赞：「佢好有风度，问佢咩都会答，又会叫我放松啲，佢好似爸爸，好Man，同佢合作好安心。」Mandy又唔觉意自爆曾听过汤洛雯赞马明，「佢赞马明好单纯好善良。」

进修艺术
至于离巢原因，Mandy直言TVB较多限制，自己希望作多方面尝试，「太多嘢想做，暂时唔想畀佢绑住先，而家就筹备紧搞网上平台节目，会邀请小朋友同佢哋互动。」并指目前努力学唱歌中，已获唱片公司招手的她不排除将来向乐坛发展；此外，中学毕业的Mandy又考虑到台湾报读艺术，她说：「记得有次同小朋友玩问答游戏，佢哋好醒可以秒答问题，自己就一题都答唔到，令我闷闷不乐，觉得唔够小朋友叻，系时候要进修一吓。」