【头条独家】 未凭《叔•叔》提名金像奖冇失望 袁富华喊住赞电影有好成绩

袁富华（Ben）最近在电影《叔•叔》饰演老年同性恋者「阿海」，他看了剧本即被故事感动而接拍，相比于《翠丝》的性小众「打令哥」，他觉得今次「阿海」拥有完整家庭要演得更内敛，幸好遇到好对手太保。Ben哥又感性地喊住庆幸电影虽属偏锋题材，但仍获各大电影颁奖礼多个奖项，能够被肯定令他好感动，就算自己在金像奖未获提供亦不会失望。撰文：杜淑霞 摄影：李维隆 发型化妆：Gaelle Au 服装：Club Monaco 场地：Hong Kong Arts Centre

该片导演杨曜恺本报专访时曾大赞两位主角相当专业，答应拍情欲戏到埋位都唔扭拧。Ben哥反而认为是导演功劳，「佢好早同我哋沟通咗，令我哋好放心，佢讲明唔系用呢啲情欲戏做卖点，但系呢个系必须，又话会拍得好靓，唔会要我哋露任何嘢，佢拍晒心口畀呢个保证你，同埋我见到佢唔系口头上保证，系见到佢嘅要求系『阿柏』同『阿海』系一个灵性上交流多过肉体上交流。」

电影获香港四大颁奖礼共7个奖项，成绩骄人，身为一份子的Ben哥虽然未有个人奖项，金像奖更未获提名，但他完全冇介意，讲起更感动到眼湿湿，「部戏系资金咁少嘅独立电影，同埋个题材咁偏锋，仲要中咗两大元素就系同志同埋年长人士，呢两样投资者都唔肯投资嘅时候，竟然行到今时今日呢一步，依家讲都有啲感动（眼湿湿），拍嘅时候冇谂过，完全冇谂过，唯有系做罗，相反奖项嗰啲系其他罗，嗰啲完全系个人嘅奖项。」



能够令Ben哥看得开，最重要是他一直只求做个演活角色的好演员，「好多人话戥我唔抵，好多圈内人都识袁富华系边个，衰在啲观众净系记得啲角色，唔知道呢个人嘅样，叫咩名，但作为观众去睇一个演员，系应该见到一个角色而唔系见一个明星，但系作为一个演员会好矛盾，啲人唔会知我叫咩名，不过我哋最终要做嘅嘢就系呢样嘢，系忘记唔要咗个自我，系见到个角色喺银幕上出现，所以点解我咁锺意Tom Hanks（汤汉斯）。」