【赌王离世】幽默风趣常爆金句 曾指赌场如印银纸「日日印无法子穷」

赌王何鸿燊今午于养和医院离世，享年98岁。何鸿燊曾多次接受传媒访问，当中爆出不少金句。

-「佢已肥到袜都著唔落。」（反对西九文化区项目单一招标）
　
-「我们赌场等于印银纸一样，日日印银纸，无法子穷。」（美国财经杂志《福布斯》公布香港富豪榜，赌王急跌至第十九位，指他身家缩水九成）

-「今日澳博可以上市，证明『真金不怕红炉火』，可以剥到佢棚牙！证明『邪不能胜正』。」（被问到何婉琪（十姑娘）多次阻挠澳博控股上市，赌王妙语如珠回应）

-「赢不是钱，最重要要赢不要输，我行业的字典内没有输字！」（赌王的爱驹「爆冷」蝉联香港金杯，除了赢得四百多万奖金外，亦赢得了面子）

-「男人可以玩，唔可以唱，佢仲差过唱，影埋相，全世界都知，全世界都睇到。」（对于陈冠希裸照事件，赌王批评陈不负责任）

-「男人对老婆一样要三从四得，就是老婆化妆要等得、闹人时要忍得、买东西要舍得。笑容要似哈巴狗，但千祈唔好沦为「烚熟狗头」，对情人、太太都要好，所以要送九卡宝石同九九九九金饰。（教男士爱锡老婆）

-「如果男朋友约你食嘢，你就饿狗抢屎咁，乜嘢男朋友都走晒啦！」（教女士要有矜持）

-「当时穷起上嚟嗰阵时，啲人另眼相看，见到我都运路行，惊我同佢借钱，故此我尝过呢个味道，就识得要发奋。」（忆述年少家道中落）

-「我一向劝人哋将赌博当系玩耍、娱乐，但系千祈唔好过份赌，过份赌未必有得赢嘅，因为我系抽水嘅，但啲人往往唔听嘅。」（劝勿沉迷赌博）

-「迫我讲咗七年大话，年年都话 (楼市)就快好番，大家放心，一定得，实系揞住个心讲。」（05年批评前特首董建华八万五政策）

-「有少少钱的人，都不想同那些搔脚趾的人一齐住。」（反对北角邨采用混合模式发展）