【头条独家】直击曼谷逐步解禁 胡慧冲写歌为泰国打气
2020-05-18 20:07 
港人热门旅游地方泰国嘅紧急状态令Extend多一个月，至6月1日才能通关，喺呢段继续抗疫的日子，居泰港人胡慧冲(Roger)除咗日日喺自家YouTube频道《等紧31》update曼谷市面状况外，仲自资几万港元录制新歌《Take My hand Thailand》发放正能量，为泰国人打打气。采访：方骞平
打气歌系胡慧冲第5首作品，之前的都同旅游节目《冲游泰国》有关：「负责作曲同填词嘅系我音乐人老友，《冲游》主题曲同插曲都由佢一手包办。新歌有中文、英文及泰文词，四句中文词『今天纵是苦困，仍笑笑把歌哼，珍惜每秒没有恨，同度过同感恩。』由我亲自填写，好有许冠杰Feel！」问到反应如何？他说:「好坏参半，有人好欣赏，特别话歌词写得好好，但亦有人表示不满话『只系锺意睇你介绍旅游节目，听你唱歌会unlike你！』但呢啲负评唔会打击我信心。」
禁酒令仍维持
胡慧冲又补充，指唱歌虽然唔系佢强项，但至少唔会唱到走音。「我都曾经参加过第一届新秀歌唱大赛入咗20名，只不过畀黎小田叮走咗。我觉得自己活到呢个年头，又唔系靓仔同出名，作为旅游达人可以做到创作歌同娱乐节目，仲得到小小认同经已好满足同开心，会出钱出力继续玩落去。」至于泰国状况，他表示愈来愈好， 5月3日开始部分商店及设施重开，包括四面佛，餐厅亦放宽可供一半座位堂食；发型屋只限剪发、洗发，惟夜间宵禁及禁酒令就仍维持至5月底，至于周末翟道翟市场嘅商店只系开咗一半，游人未算太多，但预防措施都做得好好。另商场及百货公司亦全面开放。
最新回应