首跟B女庆祝母亲节　许芷荧获老公送惊喜爆喊

许芷荧（Whitney，前名许亦妮）今年2月诞下女儿「冯宝宝」，母女俩在刚过去的周日一起渡过了第一个母亲节，其丈夫冯家柱（Alexander Fung）就好识做，准备了一大束绣球花外，还亲自下厨整晚餐、制作Poster兼代囡囡写卡送给她，Whitney留言：「老公用自己左手写，扮BB写字～睇到我流晒（晒）眼泪。」

对于第一年做母亲，Whitney直言是开心、幸福的，又认为每日时间永远都不够用，她写道：「每天除了照顾宝宝，照顾老公，买餸煮饭，一有时间又想同囡囡玩下，玩完又想帮她影相，影完又想剪下片，跟住又要有下自己私人时间上下网……又要陪下老公，跟住又想陪下个女……每日循环Loop……虽然系好忙，冇乜自己私人时间，但每日佢都会喺我心口度瞓……我都觉得佢越嚟越重，见到囡囡每日逐渐长大，我自己都好开心，觉得好感动！唔想佢大得咁快。宝宝～希望下个母亲节，你已经识得讲妈妈I love You。」并笑谓今年跟老公、囡囡，以及妈咪、奶奶、嫲嫲分别庆祝一次母亲节，认真忙碌！