【而家穿晒】做运动伤到旧腰患 洪卓立唔敢话畀阿妈知

洪卓立（Ken）今日到新城电台为新歌《无他》宣传，戴上cap帽的他，笑言今日冇化妆又冇整头，皆因在家中做健身运动时扭到腰部旧患，感觉似瞓捩颈，惟有尽量唔好郁动太多，而站立就完全冇问题。

他说：「我将要拍ViuTV剧集，会去内地拍摄同埋有好多武打场面，所以呢几日都谂住睇医生。」问到是否讳疾忌医之人，他尴尬笑说：「算啩！但觉得真系要睇，本来想操fit，点知相反。」再问会否要求妈妈煲汤为他补腰？他笑言不敢告知妈妈整伤旧患，不过就有打算找健身教练帮啪骨，因为教练有跟进他的旧患会避开触碰。