【体贴ARMY】直播画画做手作 BTS帮Stay Home Fans解闷

本来要做《MAP OF THE SOUL TOUR》嘅BTS无浪费时间，之前RM开直播已透露正筹备新专辑，同时为怕ARMY (BTS粉丝称呼)太闷，BTS的Suga、RM及Jhope分别喺「BTS TV」及Vlive开直播表演画画同加工ARMY Bomb，数十万ARMY睇得好开心。

Suga嘅画画直播堪称史上最安静直播，有ARMY话好彩听到Suga打乞嚏，否则以为自己部电脑嘅喇叭坏咗，Suga在直播中亦透露开始制作新专辑，而BTS成员亦会各自负责唔同项目，包括音乐、视觉及管理等，他更讲到明，因为目前无得表演，所以为了ARMY先会直播自己画画，如果唔系有疫情，ARMY系无机会见到佢画画。

而究竟点解佢会画画？因为Suga妈妈有画画，所以就有颜料去画嘞，佢觉得画画好有趣，可以令佢好专注而暂时摆脱一啲混乱嘅想法，另外佢好想问吓识画画嘅人点睇佢幅画，最后佢话自己以后应该会经常画画，至于画作会稍后贴喺Twitter及weverse，同埋佢唔敢相信自己画咗20分钟画。

而队长RM及Jhope就一齐加工ARMY Bomb，整咗45分钟，两人就好自豪，不过Fans就笑佢哋嘅作品好似自己个小学生女儿整嘅劳作一样质素(笑)，最后，JK加入结束部份，同RM及Jhope一齐讲拜拜。