【头条独家】行善抗抑郁症 姜紫蓝派橙预祝36岁牛一
2020-03-30 17:44 
下月3日是姜紫蓝（Color）36岁牛一，笑言迈向四张嘢，好想做些有意义的事。谈到今年生日愿望，她说：「因为好多物质上嘅嘢我都有喇，最近香港个氛围真系好差，希望市民、各方面都Cheer Up，但自己太势均力弱又做唔到啲乜，咁啱有个朋友喺果栏度做，所以日前参与《爱心甜橙送赠行动》，希望市民增加维他命C，增强抗疫力、开心啲！快啲远离疫症。」
由于Color有抑郁症，每日食紧药控制住病情，最惨唔见有好转，当日都是死撑住，她说：「所以每日谂办法令自己做啲开心得嚟系有意义嘅嘢，有抑郁症后反而好想正面啲。」因为有病，今年全家人都特别迁就她，就算父母离异了，但两个爸爸竟然唔怕尴尬同场派橙，可见家人好锡自己。
提到派橙过程笑料百出，有市民以为她是区议员，话：「你放心，我会撑你！」又有公公、婆婆行埋嚟讲话：「唔该要两个(其实每人只系派两个)！」有啲又话：「你唔使递畀我，我识得拣甜橙！」
關鍵字
最新回应