蒋嘉莹一家三口布吉晒太阳抗疫 5岁囝囝大胆揽老虎合照

蒋嘉莹（Vivian）与老公Louis早前在新冠肺炎疫情未爆发前，趁儿子Marvis学校放假，一家三口飞往泰国布吉岛晒太阳及游水，尽情吸收阳光精华对抗疫情，全家皆晒得一身古铜健康肤色回港。

Vivian表示只要学校放假都会同老公一齐带儿子去不同地方旅行，希望孩子能放眼世界，看多些其他地方新事物；今次拣布吉岛，她说：「主要唔想去太远地方，玩几日就算，Marvis好锺意沙滩及烧烤，我哋又有朋友住布吉岛，可以顺道探望朋友。我哋喺布吉，日日都系阳光与海滩，因为回港后我要开工影靓相，随身带著太阳油，每隔几小时就由脸到脚趾都涂满太阳油惊晒黑。」

今次行程囝囝Marvis玩得最开心，他们带囝囝四围游览，包括：睇老虎近距离同老虎拍照，又到大象保护区参观帮大象冲凉，最利害是只得5岁的Marvis跟老虎合照时完全唔惊，Vivian笑言：「完全估唔到我个仔系咁大胆，同老虎影相一啲都唔惊，我哋去睇海豚，佢同海豚影相亦完全唔怕，参观大象时知道可以帮大象冲凉，佢仲一支箭标去帮大象冲凉，系一只好大的象，唔系BB象喎，佢真系胆大过大人。」