【头条独家】首度创作兼主唱电影插曲胡子彤自爆靠恋爱经验写词

2020-02-26 02:06

胡子彤最近首度为有份演出的电影《Baby复仇记》唱插曲《那时候》，而且还亲自填词，他坦言跟做演员一样是无心插柳下的机会，好感激公司肯给他尝试，仲自爆歌词是他将自己恋爱经验写成，更希望有朝一日可为自己主演的电影创作及演唱主题曲，而他趁住近期受新冠肺炎疫情影响，休息期间会好好装备自己。撰文：杜淑霞摄影：李维隆发型：Alex of O4 salon

子彤今次有机会唱插曲，原来跟入行拍电影一样，都是误打误撞，「有时公司食饭去唱吓K，老板、同事听完问我想唔想试吓唱歌，我嗰时抱住入行做演员嘅心态，有机会就试吓罗！就咁公司就搵咗啲歌畀我，途中又叫我试吓创作，咁啱创作途中，就拍咗《Baby》，公司觉得咁啱同电影嘅题材好类似，不如就当系电影歌曲一齐做，第一首电影插曲《那时候》就咁出现咗。」至于目标，子彤就直言：「如果主演电影唱埋电影主题曲，系对一个演员或者歌手几特别嘅事，我都好希望做到，我之前拍落嘅戏，唔知有冇机会可以倾吓呢！？」

拣对象讲感觉
早前跟「女飞鱼」欧铠淳结束3年情的子彤，更坦承今次歌曲的歌词全部来自亲身感情经历，「当然同自己经历有关。（嗰排感情出问题？）嗰阵时未系好大问题，反而系唔同阶段嘅经历摆咗喺首歌入面，唔算系爱情观，系每个人有嗰个画面，不论系男仔定女仔，佢哋对爱情第一次手忙脚乱，唔知点做。」讲到感情生活，子彤话暂时以工作为重，至于拣对象的要求，他好轻松话：「我冇特别，都系睇感觉，唔会话一定长头发、大眼、皮肤白。（锺意电影会唔会好啲？）咁会多啲话题，会好啲，不过都系冇特别谂，随缘啦！」