【头条独家】约友饮香槟短聚 王贤志跟同性伴侣神同步

王贤志(Vinci)跟同性伴侣Kevin结婚3年半，关系依然好好，经常一齐出席公开活动。日前周六晚，Vinci同Kevin约咗三个男性好友喺铜锣湾百德新街饮香槟吹水，Vinci同另一半贴住坐，前者好多嘢讲，后者负责听，间中两人会做埋同一动作，例如托头，好夹。采访:梁志明

2016年8月，Vinci跟相恋七年、任职咖啡师的男友Kevin在加拿大温哥华注册结婚，是首位公开承认与同性结婚的香港男艺人，获不少圈中人赞赏敢爱敢做。两人之后经常齐齐出席活动，会出席婚姻平权协会发布会，曾经系前东华三院主席的王贤志获「铜紫荆星章」，Kevin亦有陪伴出席。

Vinci都几心思细密
当日晚上六时，Vinci一行五人去咗百德新街一间餐厅短聚，叫咗香槟同小食，众人冇戴口罩边食边倾，食得唔多，但香槟就不断饮，Vinci都几多嘢讲，Kevin就听嘅多，无乜搭咀，其间Vinci曾经行出街讲电话，众人快聚一个钟就离开，一踏出餐厅，众人即戴回口罩，唔知系咪Kevin啲牙黐住咗嘢，见佢除口罩系咁用手指撩牙，防疫意识差咗啲喎。Vinci同一男友人行先，Kevin紧随，行咗一阵，Vinci自觉冷落咗Kevin即放慢脚步等埋另一半，然后搭住佢膊头继续行。