倡政府仿效黄冈市严管外出　林作冒险落街食饭：我真系好怕死！

医护界发起罢工行动，促港府立即「全面封关」，以堵截武汉肺炎病毒源头，惟当局至今仍拒回应诉求，令全港市民人心慌慌，继续疯抢口罩及消毒产品自保！然而，不少圈中人都直言扑唔到货，惟有各施各法，有人决定「重用口罩」，有人则以「纸口罩里面加个布口罩」防疫，结果被网民围插教坏人。其实冇口罩的话，倒不如学林作修心养性留喺屋企，避免出街感染病毒好过！

在家中「闭关」两日后，林作今日就「冒险」落中环置地广场食饭，顺道为网民「现场直击」市面情况，仲留言表示：「街上仍然太多游手好闲的人！」片中，身处餐厅的他说：「为咗验证究竟市面上仲几多唔怕死嘅人喺街，我依家特登身险中环，望吓周围都仲喺好多『够姜』嘅人喺度！」镜头偷偷一Pan，确实都有些人用餐中，之后，林作续指政府迟迟不落实「封关」，怕且都为时已晚，故建议仿效湖北黄冈市、浙江温州市，严管每户每两天只能派一人外出购物资，并谓：「呢啲强硬措施政府唔做，我哋自己做，因为命系我哋自己嘅，我真系好怕死，𠵱家返屋企先！」

虽然减少外出的提议不错，但搞笑嘅系林作留言称：「各位，本人现在郑重呼吁，效仿武汉旁边个城市（名字不记得），马上自我实施宵禁……」其实上网Search一Search边个城市都唔系好难啫，有热心嘅网民都即刻提佢系黄冈市呀！