小猪比第一次食药水　陈展鹏爆爱女唔舒服

流感与武汉肺炎先后来袭，令不少父母都非常担心，继港姐张名雅昨晚于Instagram（Ig）自爆带发烧囝囝蔡俊轩去睇医生后，去年4月荣升爸爸的陈展鹏今日亦于Ig贴出B女「小猪比」陈诺瑶萌照，相中，面珠胀卜卜的小猪比拎住支药水仔细望，估唔到大前日（年三十）先同妈咪单文柔一齐祝大家身体健康，点知今日佢就病咗喇！展鹏留言写道：「相信佢对呢支药水又爱又恨，第一次食咗（药）水，你算非常乖了。多谢伍医生。」囡囡唔舒服，爹哋妈咪梗心痛，一班哥哥姐姐就留言祝她早日康复，仲叫展鹏和单文柔保重身子，勤劳洗手呀！