【睇猫埋嚟】揽爱猫同你拜年 43岁舒淇少女味浓

2020-01-25 19:28

好多艺人影相及拍片同Fans拜年，家有两只金吉拉嘅舒淇亦揽爱猫拜年。化淡妆嘅舒淇先开心拱手笑住讲：「恭喜恭喜，恭喜发财！」然后爱猫May May Man出现，舒淇捉住佢两着只手仔说：「祝你快乐，祝你有『鼠』（数）不完的财富、『鼠』不完的钱财，『鼠』（属）你最好！」之后轮到6岁May May Boy出场，佢被舒淇捉实「被拜年」：「青春快乐，万事如意，打麻雀赢赢赢！」最后舒淇强行抱着爱猫再祝网民：「青春如意，喵！」语气加装扮，舒淇立刻回春如少女。

回一回带，当年May May Boy先入室，之后轮到May May Girl(即May May Man前身)，舒淇以为后者系女仔，所以改名Girl，仲经常呷佢醋，最后发现原来系公嚟嘅，呢位猫奴真心笨。