【头条独家】被封火辣女神 34C涨爆上围好出位 傅嘉莉承诺今年继续派福利

34岁傅嘉莉 (Kelly)喺TVB旅游节目《识玩旅行团2》中穿上纯白色比坚尼同短裤仔，于镜头前坦荡荡浸温泉，34C胀爆上围相当出位，加埋著住粉红色泳衣擘髀玩激流嘅豪放动态，年尾流流派呢啲咁正嘅福利，睇到一众宅男个个都心心眼，大赞Kelly仙女下凡、女神真性感！就连73岁「家英哥」罗家英都忍唔住出手，将Kelly性感泳照分享至社交网限时动态当中。对于「升呢」做咗火辣女神，Kelly日前直言受宠若惊，兴奋道：「被赞梗系锺意啦，呢份系今年最好嘅圣诞礼物呀！」女神更承诺今年继续强势出击，唔会令大家失望。 采访：方骞平

《识玩旅行团2》口碑咁好，监制张志明日前率一众台前幕后江嘉敏(Kaman)、傅嘉莉、杨潮凯、陈婉衡、陈睿雯、潘梓锋、梁茵、林师杰等喺西贡庆功宴。讲到粤北嗰几集节目中，自称没有男友的Kelly好free，每集都大解放，出动泳衣、贴身小背心，34C咪咪抢尽风头，仲有湿身大特写派彩蛋！咁进取，小花江嘉敏梗系比了下去，加上有男友Anthony「监控」，Kaman最大胆都系换上一件头「婆仔」泳衣出镜。不过，Kaman就话冇留意系咪风头被盖，「尽量唔会著着得太暴露嘅，我惊吓亲大家！」在旁的杨潮凯原来挑通眼眉，他即插嘴，「Kaman系为我好，怕老人家流鼻血啫……讲笑讲笑！其实佢算系平……嗰啲嚟嘅，反而Kelly真系好性感，所以我唔敢望得太过份，哈！尽量望佢头以上嘅嘢，好彩我老婆对我有信心。」

有料Kelly坦言唔介意露多少，「咁浸温泉系要着泳衣嘛！都系多得化妆师嘅摄影技巧好，去公干旅行有个识得影相、整头兼化妆嘅化妆师一齐真系冇得弹呀！见大家咁受落我都好开心，系今年最好嘅圣诞礼物呀！尤其见家英哥都赞埋一份，谂唔到佢都留意到我。」她更承诺唔会畀佢停，今年继续喺镜头前大派福利，造福人群，「其实之前被张志明安排去槟城，处女下海拍《3日2夜》，点知去到机场先发现护照有效期唔够半年，冇得登机，最后喺机场食咗个早餐就打道回府，其实我真系唔知护照至少要有半年有效期先可以出到境呀！真系超失望，好无奈。」江嘉敏作证，指Kelly系诚意十足㗎，因为她出发前的半夜，仲喺《识玩2》群组度叫大家帮吓眼拣泳衣，她预咗3、4套备战！杨潮凯取笑Kelly说：「Kelly系『鳄鱼头，老衬底』，只系表面精明！（系咪胸大冇脑？）佢冇身材系人都唔信啦，但冇脑就……平日我要降低智商先同佢沟通得到呀！」Kelly骑呢地反问：「我系咪持『白卡』嗰啲呀？咁我都系嘅(冇脑)！」原来Kelly下年本命年犯太岁，自言稍后拍贺年节目时，要多啲请教吓师傅，留意返要注意啲咩，希望顺顺利利，新一年愿望还想多拍啲好戏。