体会母亲伟大 吴若希赶返家同妈咪贺寿
2019-12-08 20:36 
吴若希（Jinny）妈妈4年前因踩单车发生意外重伤入院，要做开脑大手术，幸而经已康复过来，令到孝顺女都松咗一口气，更加体会到做母亲的伟大，所以视两岁半的淼淼Giselle为掌上明珠，真系钖到燶㗎！
昨晚Jinny入咗TVB为《善心满东华》表演，原来她的爱女淼淼系Jinny小fans，淼淼透过电视见到妈咪唱紧歌，即肉紧上前摸住电视荧幕不停重覆讲：「妈咪、妈咪、妈咪、妈咪、妈咪....摸手手！」相当可爱。连吴若希都忍唔住开心share，发文留言：「由佢老窦send呢条片畀我到今朝，我loop咗超过一百次，就系为咗听佢讲摸手手....有了你等于有了全世界！」唔少网友都留言：「So cute！」不过有人苦口婆心提醒Jinny：「可爱，不过不要行近电视，影响眼睛！」亦有大赞Jinny：「愈唱愈好，加油！」
另外，寻晚Jinny做完《善心满东华》后就飞奔返屋企，原来孖住细佬同妈咪切饼庆生，Jinny喺社交网晒相兼留言：「赶得及回来陪你吹蜡烛，生日快乐。」镜头前唔见咗淼淼同Jinny老公Alex，但三仔乸依然好温馨呀！而且发育中的细佬仲好靓仔好抢镜添。
關鍵字
最新回应