【头条独家】赞陈滢系气质女神 陈卓贤最怕女友乱发脾气
2019-12-08 20:00 
陈滢（Jeannie）、Ian@Mirror（陈卓贤）首次声演动画《魔镜肥缘》，分别饰演与别不同公主和王子，两人异口同声话戏里戏外都有啲相似。尤其Jeannie话自己本身都系肥妹仔，平日出镜要经过包装，如同剧中公主著住魔法高踭鞋才变靓啲一样。语毕。陈滢好奇地追问Ian：「你系咪净系锺意靓女，唔锺意肥妹呀！」接住又冲口而出爆咗句：「肥妹仔先得意呀。」Jeannie曲线赞紧自己，好搞笑。化妆：Circle Chong @Annie G. Chan(陈卓贤) 发型：Stone Cheng @private I salon 服装：Diesel 化妆：Vanessa Wong(陈滢)发型：Larry ho @Aveda ilcolpo
被「质问」拣偶标准，Ian就唔敢话只系锺意靓女，坚持唔怕重口味：「正如套戏表达讯息一样，睇内在紧要啲，性格相处比较重要，系咪善解人意？最紧要唔会乱发我脾气，呢啲对我好重要，以前都试过同唔太瘦嘅女仔拍拖。(眼中嘅陈滢系咪肥妹仔？)唔系，系好瘦，佢系大多数男人眼中嘅女神，唔系口花花，佢真人比上镜更靓，有气质，斯文有修养，(唔怕陈家乐呷醋打你！)唔好呀…对唔住！」
自爆经常被公司闹
陈滢忍唔住爆句：「肥妹仔先得意呀，套戏带出讯息睇人唔好睇外表，要睇性格，事实𠵱家好多人影完相，改咗图放上社交网，无形中畀到小朋友压力，影响到年青人觉得要fit要瘦要靓，先至成功多人追，我唔认同呢样嘢。 (身边人成日赞你？畀到信心你？)信心要自己畀自己，知道自己边样优秀同做得好。哈！其实我成日俾公司闹㗎，例如话我肥，因为永远可以做得更好。」Ian即认同和应：「系呀，我成日俾花姐嫌我上镜肥，畀瘦相嚟激励我。迟啲同邓丽欣拍关于打排球题材嘅剧，到时要除衫，要多做返啲运动喇！」
最新回应