【头条独家】获外父老婆力撑陈志健唔怕冇咗大台遮荫

2019-12-02 18:57

市道唔好，唔少TVB艺人，好似郑敬基、东张小花林泳淘、林子博等约满都被无綫裁走来减磅，今年5月约满TVB的2006年香港先生亚军陈志健（Otto）虽然受重用有得留低，但他却偏偏要求转签部头合约，未来主力向外发展。现年38岁的Otto坦言就算现阶段个市「兵荒马乱」，但喺外父罗乐林及老婆罗苡之的力撑下，即使少咗大台遮荫，仍然有安全感，无后顾之忧。采访：方骞平场地：24/7fitness@观塘骏业街

陈志健喺无綫13年，在《仁心解码》、《拳王》等剧集都有好表现，直至去年播出的《是咁的，法官阁下》中，饰演杀掉双亲阴沉罪犯阿鬼，演技层次丰富，更获网民大赞。刚播完的《解决师》他扮演杀手S，后来被王浩信用军刀插盲只眼，激动得咬牙切齿，也相当好戏：「其实演出时加埋手势系林文龙教路，老婆都惊到唔敢睇。不过，唔少网民闹爆呢个奸角，但我反而觉得好有趣，哈！喺呢个剧有机会毒杀真正嘅外父喎？拍摄时剧组都取笑我：『你死呀你，咁大胆！』外父好好，拍前叮嘱我要大大力咁撞埋去，唔使就住佢嚟拍，但我咁大只，又怕无情力，梗系有顾忌。」

除此之外，拍呢套剧又试过因为出拳有偏差，打到王浩信流鼻血，鼻梁又红又肿，令他惊到震：「当时所有人都好惊，但浩信明白大家都拍到好攰，冇怪过我失手，反而补拍时我压力更大，外父同浩信咁专业，都系我欣赏嘅艺人之一。」

Otto选择现阶段外闯，可感生不逢时？他却坚持不后悔：「同TVB签part time约自由度高啲，𠵱家系时候去睇吓个世界，想试多啲嘢，发掘大只佬拍打戏以外嘅另一面，而且爸爸有病，系时候多啲陪吓屋企人。就算做正职，人工都唔叫得系好，庆幸我仲可以做健身教练搵到生活费。(叫黄宗泽上多啲堂帮补你生活费罗？)佢经已好勤力，喺香港时一周会操足三日㗎。」