【黎小田病逝】难忘前辈爱笑 洪卓立：一路好走

黎小田在主持《流行经典50年》节目时跟很多后辈合作，洪卓立是其中之一。洪卓立说：「佢无架子，好nice，好锺意笑，虽然《50年》系第一次合作，但彩排时就算我唱错咗佢都会好主动同好有耐性去教导我，一路好走。」

锺舒漫：「小田哥系一位令人好敬重嘅前辈，佢嘅音乐造诣对乐坛贡献好大，有好多脍炙人口嘅作品，佢嘅离开好可惜。」

罗力威：「小田哥好nice、无架子，好照顾、好肯教导后辈，希望佢一路好走。」

许靖韵：「小田哥系一个非常好嘅前辈，非常提携后辈嘅前辈，我之前喺《流行经典50年》合作过几次，佢帮我弹琴，亦对我非常好。佢亦都系一个好紧贴潮流嘅前辈，佢同我讲：我都有睇『小背心』啲片㗎。同佢合作我觉得好窝心。亦都觉得好可惜，但佢好嘅作品系会继续流传落去嘅。」

曾乐彤：「收到呢个消息好难过，之前大家都有合作过，喺《流行经典50年》入面，佢对我哋啲新人都好好、好照顾我哋、教我哋好多嘢，好遗憾乐坛失去咗一个好好嘅前辈，希望佢嘅家人同朋友保重。」