【头条独家】王丽嘉Deep V透视出巡马诗慧陪买蛋糕好服侍

2019-11-30 00:50

名模马诗慧（Janet）与老公王敏德（Michael）育有两女一子。由于27岁大女王曼喜（Kayla）和25岁二女王丽嘉（Irisa）都爱性感，不时在社交网晒火辣靓相，搞到爸爸好头痕，反而Janet劲支持，照顾三名子女更是无微不至。日前Janet与Irisa到铜锣湾超巿买嘢食，着白色衫透出Deep V白色Bra嘅Irisa，拣完蜂蜜蛋糕就交畀阿妈畀钱，原本行出门口谂住拆开嚟食，点知佢又交畀Janet帮佢拆胶袋，呢位靓妈真系好服侍！采访：梁志明

Janet虽然是辣妈，但就好开明，对仔女更是百分百支持，两女儿锺意行性感，她觉得从艺术角度欣赏系冇问题。对于照顾小朋友更爱亲力亲为，尽管子女已长大了，最细嘅仔王跃颖都已经19岁，但她仍不会放晒手，每样嘢都照顾周到，好似二女Irisa早前去意大利出席品牌活动，Janet又跟埋一齐去，真是个廿四孝妈妈！

家住跑马地嘅Janet，最爱与仔女去铜锣湾打趸。早前她与Irisa现身铜锣湾时代广场Citysuper，两母女一入内就分道扬镳，Janet去拣麦片，而Irisa就去蛋糕Counter拣蛋糕，不过睇唔啱，于是Join妈咪去货架再拣过。她们仔细研究蛋糕成份，在妈咪提议下，Irisa最后买了蜂蜜蛋糕，仲随手交咗畀妈咪去排队畀钱。离开一刻，Irisa似乎好肚饿，即刻攞蛋糕嚟食，但拆唔开又要搵妈咪帮手。25岁女够晒嗲，难得妈咪Janet又好受！