【头条独家】带埋「小丸子」游热海 王友良最享受浸温泉睇日落

「日本通」王友良（Ivan）早前偕友人到日本热海玩了两日，因为好近东京，不但交通方便，当地景色又靓，他最享受在后乐园酒店吃喝玩乐兼浸温泉，他直言浸住温泉睇日落固然系享受，翌日再到Sun Beach睇埋日出，另有一番感受。之后食埋当地最著名嘅布丁，叉电之旅圆满结束。 撰文：李佩仪

Ivan表示今年日本的秋天嚟迟咗，天气还暖，他想忙里偷闲休息吓，便与友人由东京品川出发坐一小时火车到热海玩了两日。他表示已第5次去，但每次去都觉得好舒服，因为天朗气清，风景特别靓。今次他主要去后乐园酒店浸温泉，他说：「后乐园入面有休息区又有餐厅，可以同朋友倾吓偈，浸温泉我都浸咗两次，一次睇日落，一次睇夜景。」翌日再去Sun Beach睇日出，他坦言：「睇住太阳由水平线慢慢升起都好有感觉。」之后他还去热海城欣赏全巿景色。

推介必食布丁
Ivan最难忘是因为工作关系带住他至爱的樱桃小丸子公仔到不同地方影相，不少当地人都好奇一个男人点解会带住公仔，但Ivan好少理，只称：「同小丸子影嘅相迟啲会po上网，好似小丸子带大家去旅行咁，认识新嘅旅游景点，几有趣！」此行他还热烈推介当地的热海布丁，「原本喺酒店已经食咗一次，但因为太好味，于是再去本店食多次，仲食咗两杯先够，因为唔太甜，牛奶味够香又滑，大家有机会去都一定要试吓。」