【头条独家】买专业隔音耳塞 卓韵芝行路挂住睇Catalog

做人妻无耐嘅卓韵芝系多媒体创作人，周身刀亦张张利，自8月做完舞台剧后未见有咩新Job，家阵香港打紧杖，好多娱乐圈工作都停工或延期。日前下午，着住连身裙，戴住文青眼镜嘅阿芝由天后经维园行去铜锣湾，沿途边行边望住手上本Catalog，睇路呀。采访:梁志明

卓韵芝一直好留意时事，亦好关心一切社会状况，日前就透过社交平台发千字文求救，希望圈中「前辈们」能够拯救学生，该post有近3000留言及14000个share。


行路唔带眼
当日下午，无乜化妆带副眼镜嘅阿芝由天后经维园行去铜锣湾，沿途佢都不断望住手上嘅Catalog，系边行边睇，甚至过斑马线都继续望，虽知道世上有好多粗心大意嘅司机，小心为上啦。见佢上咗去东角道一栋大厦，再行去一间听力及言语中心，内有好多有关听力嘅产品售卖，如助听器及专业用嘅耳塞，见阿芝拎咗个耳塞嚟试，试咗一阵就入手，然后再行去希慎嘅苹果店，但因为当晚有社会运动，所以阿芝去到就已经关咗门，佢问问店员再面带无奈离开。