悭妹自认网购能手 朱晨丽台庆剧蒲头黑脸赠庆

朱晨丽（朱朱）有份参演的台庆剧《多功能老婆》将于下周一（25日）开播，一蒲头就玩变脸变黑脸女神，仲带埋一班姊妹黑口黑脸对住大家，究竟边个打边个？

朱朱在剧中饰演好锺意扮靓的靓太，好锺意Shopping、买衫、修甲、美容，特别锺意敷面膜，成日都会买好多新款面膜同姊妹们分享，就算她们不喜欢都要被她迫著试用。现实中是悭妹的朱朱，在剧里一尝购物狂滋味，还可乘机敷面膜美容，所以拍到好开心。

讲到扮靓，原来朱朱好锺意网购，而且系格价专家，为了格价及买平嘢，几难搵的购物网都搵到，仲自爆是网购能手。她笑着说：「上网买嘢平好多㗎，好多时拍剧未埋位冇乜嘢好做就会上网买衫，主要买定平时做访问，出席活动，商演时穿，我唔一定要买名牌，喺网买嘅衫都好靓又平，最紧要唔使出街，拍剧太忙，根本冇时间逛街买衫。就算出街，都系极速Shopping嗰只，我会一早搵定目标，睇准晒款式、颜色、尺码，查定店铺位置存货，去到店铺就会即买，好快手，试都唔使试，买完即跳上车。」