【头条独家】 与梁雍婷首演情侣够合拍 黄又南狂减磅仍自责不专业
2019-11-17 21:00 
黄又南和梁雍婷（Rachel）最近在「香港亚洲电影节」开幕电影《再见UFO》内首度合演情侣，又南话跟Rachel沟通得好好，完全不觉对方只拍了三部电影，Rachel就赞前辈够亲切，特别是分手戏份两人都非常投入。讲到戏中要扮演患有血癌角色，又南坦承有为角色专登减掉18磅，但依然嫌自己太大只，自责未够专业。撰文：杜淑霞 摄影：李维隆 发型：Louis Tse @number 8 hair Salon(又南)、Oscar Ngan@ii Alchemy(梁雍婷)化妆：Henry Tse @ Big C Styling(又南)、May Lin(梁雍婷)服装：Lane Crawford(又南)、Love,Bonito及CHARLES& KEITH(梁雍婷)场地：R One Space(铜锣湾)
去年凭《蓝天白云》获香港导演会最佳新演员奖及香港电影金像奖最佳新演员奖提名的Rachel，相对于入行18年的又南绝对是新丁，但两人合作起来完全不觉经验的差异，又南说：「真系睇唔出佢咁新，我哋沟通得好好。」Rachel又坦承最初见到前辈确实有胆怯，「见到偶像，梗系会紧张啦！但系见到真人咁nice，就放心好多，同埋就算几紧张，埋到位都唔可以影响演出。」
鹏哥演技厉害
戏中又南演的「何家谦」因自小患有血癌，身体较为孱弱，但刚巧去年开拍前他为Shine第二次红馆演唱会《Shine Moments Live 2018》操大只，「虽然我拍前专登减磅，都有成18磅，但系好多肌肉大咗就收唔番，如果系以前身型演起嚟应该更适合，所以我唯有着长袖衫遮住，其实应该再减多啲，我觉得自己咁样唔系够专业。」谈到戏中他跟卢海鹏一段爷孙情感人，又南都相当认同，「我细个都系喺屋邨跟阿爷同阿嫲大，所以感受特别深，同埋鹏哥真系好厉害，最深刻有幕佢见到我喊望一望我，拍嘅时候我真系感受到佢关心我，同埋有佢喺度大家会拍得特别舒服，所有人都会睇佢头嘛！」
最新回应