【维港会】网民恶搞中大「武器库」 指学生已成功制造高达堵路　

多所大学校园近日卷入反修例风波，中大更成为主要「战场」，被警方形容为「武器库」及「兵工厂」。中大由「暴大」变「武器库」，触发不少网民恶搞灵感，有网就二次创作，将已拆卸的日本台场高达照片，「混」入蒙面黑衣示威者之中，颇有气势。

WhatsApp更疯传多段恶搞录音，绘影绘声咁指出中大生已成功制造出机动战士高达，正前往市区堵路。一位阿叔说「坚架！我啱啱喺大围望上去，尖山上有高达行紧出九龙，仲扫毁好多高架电缆！」；另一段录音则说「好紧急，我表妹喺中大读书，系前线嚟，现在成班中大教授都好紧张，中大学生成功整咗只高达出嚟，准备揸出去尖沙咀做堵路。帮手发出去，有激光剑同镭射弹，大家千祈要小心，尽量唔好出街。」

除咗高达呢啲高科技武器，连「失传绝学」都搬埋出嚟，另一段搞恶搞录音就爆料「好紧急！一手料！我有朋友喺中文大学做，职员嚟，话段校长食完催泪弹后醒觉。原来佢系大理段氏后人，近日喺屋企修练六脉神剑，已出关，今晚有大镬嘢，佢会上前线保护学生，会用六脉神剑，叫啲人小心啲。见到镭射光就要小心，唔系普通嘢，系六脉神剑！」