自问冇资格品评妹妹演技 黄心美望心颖开心健康

黄心美会为开电视继续主持《男士堂》，她透露早前与杜汶泽饭聚，有机会跟其网台合作，但笑指身材不及「泽女郎」，她说：「阿泽当年帮我寻回表哥，系我大恩人，所以阿爸闹我点解系阿泽畀钱请食饭，如果同佢合作寻亲节目都唔错吖，哈哈！」谈到她在社交网分享妹妹黄心颖剧集的截图，心美解释因不断被传媒及网友追问有否收看才share：「老实讲，我冇追呢套剧，只系想借截图请大家唔好再叫我评价妹妹嘅演技，我冇资格品评，截图嘅对白亦冇特别用意，收到边张就贴边张啫。」

心美又指心颖知道剧集播出，但不知她有否收看：「跳出家姐身份，作为艺人睇到自己用心拍嘅作品出街，一定开心嘅。（网友话罢睇？）我冇理会网友讲咩，一定有好或唔好嘅声音，做呢行食得咸鱼抵得渴，自行过滤唔同声音，唔使每句都听入耳。」

问到心颖的人生计划，心美坦言不知情：「我同佢讲过，只要佢开心健康就可以，唔在乎佢嘅决定，亦唔会畀意见佢，人生系佢自己嘅，佢要自己决定同负责。」她直言听到心颖改名Rachel做地产经纪的新闻都呆一呆，觉得得啖笑，她说：「做地产唔使考牌㗎？咁我听日都要做保险经纪，改名做Veronica喇，哈哈！」