【(＞﹏＜) 新娘大开中门有片睇】 Jessica@SG 生仔顺其自然

Super Girls（SG）成员Jessica（蔡明思）与来自宝岛的男友陈冠廷（Steven）今日在台湾结婚，除了队友吴嘉熙（Cheronna）和陈颖欣（Yanny）做姊妹送她出嫁外，赵慧珊（Aka）亦于晚上飞到当地出席婚宴。问Jessica做新娘子的心情时，穿上超性感晚装的她笑言：「好紧张但又好开心，因为佢哋全部喺香港飞晒过嚟台湾，所以我非常非常之开心，开心到其实我瞓咗两个钟，但我完全唔攰，我知佢哋都好攰，因为头先一放空就见佢哋恰眼瞓，真系辛苦晒佢哋！」

Yanny闻言接着说：「唔辛苦！」Cheronna坦言：「睇住你出嫁真系好开心，我哋感恩可以陪住你出嫁。」Jessica即连番讲多谢说：「佢哋真系帮咗我非常之多，头先有好多嘢要执，佢哋不断跑嚟跑去系咁帮我整，因为我着住婚纱好唔方便，所以我好似一个癈人咁企咗喺度。」Aka即表示唔紧要，因为是Jessica的大日子，Jessica笑言：「我真系好唔惯，头先我好想除咗件婚纱走去帮佢哋。」Yanny大爆Jessica不停讲「唔该」讲咗100次，并叫她不要再讲。

问Jessica觉得老公怎样时，她笑言：「好多谢Steven，因为由筹备婚礼到结婚，一直都系佢跑嚟跑去，佢今日都系非常之忙，喺放空时仲要打电话帮佢哋订饭盒，佢仲make sure佢哋一定要食到热嘅嘢，佢真系好细心。」连Cheronna都大赞Steven真系好锡Jessica。至于两人婚后有造人大计吗？Jessica续说：「我觉得顺其自然喇，如果有嘅都会好开心，但我唔想畀压力自己。」姊妹们即齐声祝她三年抱两！