新歌MV下海玩湿身 泳儿浸到皱晒皮

下个星期三（16日）于九展举行演唱会的泳儿日前推出新歌《花心》，MV于昨日（9日）正式上架。《花心》是泳儿今年推出的三首「花系列」为主题的歌曲中最后一个章节，由冯颖琪作曲，周耀辉填词。歌曲透视人性内心深处，「每个人心深处都会有一啲渴望、贪心或者花心嘅念头，心里面有啲嘢好想做又唔敢做；又想做呢样、又想做嗰样，我觉得『花心』系人嘅本性，冇对或错。」

MV拍摄方面，泳儿透露是暗黑系列的延续，「延续番《野木兰》内容，《野》MV讲天使同魔鬼慢慢转化成人，嚟到《花心》就系当佢哋变成人之后，佢哋会想做啲乜嘢呢？做咗人之后又会唔会系佢哋想像中咁开心、咁多姿多彩？」泳儿在新歌MV中饰演Falling Angel，她转化成人后，拥有超自然能力，所以MV中会见到不少她沿浮的镜头。

MV取景东龙岛，一个对泳儿很有「经历」的地方，「嚟紧演唱会嘅poster就系喺东龙岛影。我仲记得上次成34度，有工作人员中暑、有啲热到扯烂自己条裤散热。」上次攀山，这次则要下海玩湿身，「今次冇咁晒，今次主要系落水。我要浸喺水入面，但面唔落水，导演谂住只系浸一下，但系我哋敌不过大自然，因为啲浪一冲过嚟，有一吓大家都『哗』咗一声！成个浪冚住咗我块面，都饮咗几次海水。同埋虽然唔系喺水入面浸咗好耐，但一上水就发觉浸到皱咗皮，哈哈。」