未婚夫特准性感 Jessica@SG预告著Deep V婚纱出嫁

Super Girls（SG）成员蔡明思（Jessica）今年4月与拍拖近6年的圈外男友陈冠 （Steven）订婚，并将于下月27号在台北的酒店摆婚宴，邀请亲朋好友见证人生另一页。距离婚礼还有一个月时间，今日Jessica先向各方亲友送上嫁女饼，同时附上一张印有二人于日本拍摄婚纱相的卡，卡上还有二人英文名Jessica及Steven的缩写「JS」的logo。

Jessica透露早前于日本米子市拍摄以大自然为主题的婚纱相，今次带了3套婚纱过去日本，其中在沙滩穿上的露背开胸超性感婚纱。她说︰「拍摄的婚纱佢（未婚夫）冇特别畀意见，冇唔畀性感，而且影的婚纱唔系结婚当日嗰套，反而结婚套婚纱都好性感，几Deep V，我都有问佢如果著呢套OK吗？可能有长辈比较传统，未必太锺意。佢就话唔使谂咁多，乜都OK。」

虽然未婚夫对婚纱冇要求，但Jessica笑言在拍摄当日对方「烦过女人」，笑说︰「佢成日都好chok，连摄影师都顶唔顺，成日笑佢『得㗎喇，可以出道喇』。因为佢对于自己影的相好有要求，当摄影师只系影紧我，佢就不断在旁边摆甫士，摄影师见到就唔好意思唔理佢，走埋去同佢影几张相。」

Jessica透露未婚夫比自己更紧张拍摄效果，搞到她当日累到唔想再影，说︰「佢有好多idea，畀好多参考图摄影师睇，不过佢就乐在其中，比女仔要求更多。虽然今次系几好玩，不过因为佢好多要求，影到我好累，我同佢讲唔好再影，佢就会话『我人生得一次，你好好配合我啦』，反而系男仔咁同女仔讲，都几好笑！」