46岁蔡少芬生日宣布「封肚」 促邓丽欣快结婚

宣布怀有第三胎的女星蔡少芬（Ada）46岁生日，与丈夫张晋，同公司艺人朱茵、邓丽欣（Stephy）、原子鏸丶欧倩怡等一同庆祝。蔡少芬以一袭白色连身裙到场，神采飞扬，十足「开笼雀」一样，满场飞跟其他人分享佗B心得。

张晋为太太Ada惊喜送上一束46枝玫瑰及粉红蛋糕，认真别具心思，还亲手撰写生日咭，逗得Ada四万咁口，Ada更情不自禁不时向张晋送吻，羡煞旁人。

Ada：「佢记得我生日，仲准备咁大束花，已经好开心！」问到张晋可有送礼物，她表示：「对上一次收礼物已经系圣诞节，当时佢送咗个手袋畀我，其实好感恩，我哋两个都冇乜物质缺乏，买礼物都系为咗氹吓对方，佢仲话我今年都冇送生日礼物畀佢。」

提到生日愿望，Ada表示最紧要是平平安安生个健康BB，而问到Ada昨晚跟张晋可有特别庆祝活动，她透露撇低两位女儿楚儿、信儿，食饭共度二人世界：「寻晚有朋友送咗一间酒店房畀我哋，所以我要撇低两个女，好好去享受，佢哋朝早已经同我讲咗生日快乐，仲叫我玩得开心啲。佢哋两、三个星期前已经送咗生日礼物畀我，佢哋将自己锺意嘅玩具放落鞋盒送畀我，不过转个头就攞走晒。」

朱茵祝贺时叫Ada再生多个，成为「多产」艺人，Ada即谓：「啋过你！呢啲『多产』我唔要，工作嗰啲『多产』我就要。」Ada表示：「同朱茵大家咁话，叫佢追多个先，而Stephy就快啲结婚啦！我就够喇，冇手再抱，我老公要留番一只手揽我，所以我『封肚』，生埋呢个够晒数。」