梁靖琪穿高踭鞋筹款由老公傍实 要安胎延期探访柬埔寨

艺人梁靖琪（Toby）与丈夫施隽贤（Jon）、锺丽淇（Margaret）、吴佩慈及蒋怡等人日前到中环出席活动为国际慈善团体AIM（Agape International Missions）晚会筹款拯救一班柬埔寨雏妓。

刚宣布怀孕的 Toby 身穿红色晚装及三寸高踭鞋赴宴，丈夫 Jon 与好姊妹 Margaret 全程化身「左右护法」傍实，宣布佗 B 后首次出席公开活动的 Toby 表示，健康状态十分好，故身体力行支持慈善，为 BB 进行胎教：「依家习惯每个星期会同丈夫去教会，每晚都会祈祷，希望 BB 听多啲我哋讲嘢，带佢做多啲慈善工作。今年因为要留喺香港安胎去唔到柬埔寨再做探访，不过已报咗名下年再去，唔知到时会唔会带埋小朋友去做义工呢？」

问到丈夫可有对她穿高踭鞋有微言？Toby 笑言：「我老公非常烦，由我开始话要著高踭鞋之后，佢就上网系咁睇孕妇几时唔著得高踭鞋，系咁叫我买过对鞋，所以今晚我行去边，佢应该会跟我去边，哈哈。」

Toby 又讲到自己即将荣升妈妈，特别关注小朋友的教育：「知道 AIM 有创办专门嘅学校为有需要嘅小朋友提供免费教育，依家有超过 500 个学生。」她希望可以筹更多钱帮到更多小朋友。