【维港会】总商会总裁袁莎妮将离任 望多啲时间陪王维基

香港总商会总裁袁莎妮(Shirley)有新动向，佢话为咗王维基放弃做女强人咁话！Shirley去年同王维基结婚，佢话当时老公已有指令，今年底必定要交人，加上已在总商会任职8年，都差不多是时候起身，所以才呈辞。佢3个月前递咗离职申请，由于合约规定通知期系6个月，所以佢会视乎总商会搵接任人嘅进度，先定到几时离任。由于一早谂住离开商界，所以今次离职并非外界传言，因修例风波言论而被逼引退。

Shirley甜丝丝咁话，希望离开工作岗位后同王先生多啲去旅行，过吓二人世界嘅日子，原来佢喺7月自己同老公两家人先去咗欧洲玩咗3个星期，被问是否好sweet，佢话多数时间一班亲人一齐，只系最后几日先有2人世界喎，咁佢正式离任后就可以多啲陪老公啦。至于未来去向，佢话休息完慢慢谂，真系爱情大过天。