林颖彤新歌大玩怀旧 被赞演技够专业

林颖彤（Bella） 第二首主打歌《你永远是最好》今日派台，Bella表示：「一直都好希望有一首属于自己嘅轻快歌，收到老板畀我呢只歌时，心情好兴奋但又担心，始终呢一首歌好特别好玩年代感，唔知自己可唔可以演绎到个神粹，好彩有监制引导我点样去用轻松佻皮的唱腔，系一个好好玩嘅经历。」

日前为新歌《你永远是最好》拍摄MV，今次的MV Bella 亲自设计了怀旧及玩味感浓厚的造型，「自己一向都好锺意呢种年代嘅风格，个 style 靓得嚟又有玩味，好多谢导演非常用心的帮我拍摄及安排场地，又搵咗个好配合嘅男主角，仲有化妆发型团队嘅呕心沥血。」

今次个 MV 除咗造型特出之外，演绎手法都系要夸张，Bella：「导演要我做啲发姣心心眼嘅怀春少女表情，我今次简直系豁出去，见到周边嘅同事仲喺度偷笑我，不过导演满意收货仲赞我演技好够专业，即刻有晒信心。」