提早立遗嘱 张敬轩：第一次签好震撼

张敬轩今日推出新歌《感情寄生族》，是今年探讨生死态度的第三部曲。《You》讲述生存与寻找自我的态度；《空手而来》是在困境中挣扎求存的折磨；而这首《感情寄生族》则是面对和领悟生死的必经过程，「导演用一个葬礼去诠释一段感情嘅一个最后嘅阶段，无论情感层面、生理情感，画上一个句号嘅时候，所有嘢就会回复平静。」

面对生死，轩仔分享自身经历，「过去呢一年，我都有同『死亡』好接近嘅经历，譬如我广州屋企养嘅一只狗仔今年16岁走咗，陪伴咗我同爸爸妈妈好长嘅时间；之前有个旧同学，同我一样38岁，都系走咗。」

除了身边事物，原来轩仔亦早早为自己立下遗嘱，「喺我入咗行大概6、7年，一位圈中前辈提醒我要识得规划未来生涯，当中包括订立遗嘱。我好记我第一次上律师楼立平安纸嘅时候，签名嗰刻系好震撼！第一年签觉得好大吉利是，之后每年去更新嘅时候，又加咗啲新嘢入去。当你开始去模拟一个所谓葬礼嘅时候，你会知道自己最爱系边啲人。」

这次新歌MV导演及女主角延续了《空手而来》的班底，可以说是其续集。轩仔坦言导演Sheng Wong和Matthew Chan的审美观最吸引他，「我觉得审美对于我嘅MV嚟讲，愈嚟愈重要。今次选择喺六、七十年代嘅教堂拍摄，佢哋对画面嘅讲究和审美一啲都唔俗套。」至于女主角谈善言，轩仔笑说她以后应该不会再为自己拍MV，「今日嚟到拍摄场地见到佢，咦？只眼做乜肿晒嘅？同上次系一样㗎！我好欣赏阿谈好专业帮我演出呢个MV，佢哋今朝拍摄咗一个葬礼嘅场面，有好多情感激烈同沉重嘅场面，希望可以带嚟更高嘅视觉美感同水平。」