郭嘉骏指与刘锡贤合作有压力 爆对方旧楼拍摄时介绍「特色架步」

ERROR成员何启华（Dee） 、郭嘉骏（193）及MIRROR成员李骏杰（Jeremy）日前拍摄ViuTV全新处境喜剧《娱乐风云》时表示，3人自参与《全民造星》认识，默契十足，而且故事又承接《做演艺嘅》，所以一埋位就已能投入角色。

193及Jeremy老友鬼鬼，即使Jeremy经常被193言语攻击都冇诈型。193表示：「拍处境剧需要用好多时间，经理人花姐都开始有微言，因为我地除咗拍剧，仲有《花姐ERROR游2》未拍晒，经理人度期度到爆炸！你估我地好似Jeremy咁咩，我地组合得4个人，唔见一个就好大镬，MIRROR有12个人，佢唔见咗都未必觉架！」

193及Jeremy表示与刘锡贤合作感压力，193仲爆Jeremy扮勤力：「我见Jeremy份剧本用萤光笔间晒对白，我以为佢做晒功课好勤力啦，搞到我都有压力学佢咁准备，点知一埋位佢都系甩对白，原来只系扮勤力。好在团队好好，NG都唔会骂我地。而贤哥亦好大方，见我地新人NG冇所谓，笑笑口再拍过。」

193又爆料于深水埗旧楼拍摄时，刘锡贤介绍该区「特色架步」：「我地发现呢度好多单位都贴哂反光胶纸，我地就问贤哥，佢话自己细个时有研究。」刘锡贤则否认：「唔系呀，千万唔好心邪！来到深水埗呢度太多美食，我一半身材来自呢一区，之不过见惯见熟先知咩架步。」