组「妈妹祥祥」扮学生哥云顶开个唱爆场 祥仔爆肥妈死穴：有样嘢佢最惊

肥妈（Maria Cordero）、黑妹（李丽霞）、阮兆祥及黎耀祥，6月初组成「妈妹祥祥」组合，到马来西亚云顶举行演唱会，全场爆满。四人施展浑身解数，先后以「逆龄俏学生」、「情歌王子」、「筷子姊妹花」等劲爆造型，唱尽70-90年代英文经典金曲以及电视剧主题曲，令现场逾5000名观众热血沸腾。擅于搞气氛的四人期后更发挥亲民本色，走落台与观众近距离接触，与观众握手兼被集邮，成功将现场气氛再次推向高潮。

问到加埋超过200岁的4人，为何突然兴起齐齐挑战扮演超龄「学生哥」及「学生妹」时，祥师兄笑言：「其实都唔系好特别啫，我同黎耀祥都系饰演番自己，反而肥妈同黑妹姐嘅学生妹造型真系令我哋眼前一亮，辣到不得了，可以话系SPICY LADIES！」愈讲愈兴奋的祥仔，更大爆肥妈「死穴」：「大家咪睇肥妈平时大大声，好似乜都冇有怕咁，其实唔系架，佢有样嘢好怕嘅，不过唔系佢老公，而系榴槤呀！今次我哋呢个云顶SHOW，有朋友拎咗啲猫山王嚟同我哋打气，肥妈一听到榴槤两个字即走夹唔抖，真系畀佢笑死。」祥仔又笑言肥妈的老公此次亦有随行，并大爆「教女人最紧要姣」的肥妈，私底下对老公都系相当「姣」，十分搞笑。