谢安琪爆张继聪追女仔必杀技

张继聪同谢安琪(Kay)结婚12年仍非常恩爱，经常放闪。Kay日前于森美和火火的节目《公子会》就分享同张继聪恋爱事，不但揭露张继聪追女仔绝招，而Kay当年对张继聪第一印象，系以为对方是同性恋。

Kay在节目中回想多年前，两人同为新人，出席一个颁奖礼前食Tea，讲到任何话题，张继聪总系回应「我都好锺意。」令Kay觉得「好夹」，大家有共同话题。不过，她最初只觉得对方几好倾，未有感觉之馀仲觉得阿聪「几多口」。「其实我有怀疑佢系gay嘅，因为我真系觉得第一次同佢倾偈，佢全部都话『系啊，我又系啊！我都系喎！』我一开始系误会咗嘅。」

当年「好夹」嘅感觉，原来系阿聪嘅悉心安排。两人婚后，张继聪才自爆，约会前事前先做定功课。

Kay透露，初时视对方为「闺蜜」，觉得他行路「有啲beat」﹑带点「姿整」，直言可能因为练到大大只，但说话又有点cute，反差大而令她有所误会。