【倒数3日开骚】减逾20磅操出胸肌 苏永康派定心丸：唔会除衫吓人

苏永康（William）正为今个周五、六（6月21、22日）于红馆举行的演唱会紧密排练，倒数3日便开骚。
首次与过百位来自世界各地乐手合作，在密室排练的William直言非常兴奋及开心，听到一首首重新编曲的首本名曲，令他感动不矣，说：「真系谂唔到一听音乐起，竟然令我找回当初为热爱唱歌，热爱音乐的那份初心，有几首歌真系个心都震埋，非常震憾，迫不及待想同大家分享今次成果。」
为了演唱会，William亦积极减肥修身，日夜操练之下减了二十多磅，成个人瘦了一个码，「真系练到胸肌都有埋，不过大家唔使担心，我唔会唔著衫出来吓人，哈哈。其实练身都系对自己的健康负责任，希望有最好的体能上场，不要生病咁先可以发挥到最状态。近呢两个星期，连食嘢著衫都好小心，尽量唔畀自己有感冒的危险啦，因为依家啲感冒菌大家都知啦，好耐都唔好。唔知系咪keep住做运动，所以身体真系好咗，以前每次演唱会，个人紧张，压力一来，我口唇边就一定出晒疱疹二形，一粒二粒，但今次又一粒都冇出喎。我系二形，唔系一形呀下，大家咪误会。」
问到刚过去的父亲节如何度过？William话成个父亲节做足24小时凑仔公，「老婆出差唔喺香港，剩番我一个，边个同我庆祝喎，我咪24小时喺屋企凑仔罗，唔系边个帮我睇住佢，父亲节我估要等到我个仔再过多两年啦，识得做下手工仔，我估我先开始真正得到个仔送礼物畀我啦。」