飙泪亲述4岁拒跟母走 张頴康：畀我拣多次打死都唔会放手

37岁张頴康早年也曾受访自爆身世，指寻母30年的伤感故事。昨晚播出的综艺节目《如果这样生活》，阿康亲身在镜头前细说当日没跟母亲走事件，忍不住飙泪，观众都被他感动和心疼。
节目一开始，阿康自白说：「嗰一年我4岁，我要拣跟阿爸定跟阿妈，但其实我冇得拣，因为只有阿嫲会留喺我身边」。阿康说一出世就跟住嫲嫲住在彩云邨，每日嫲嫲带住他，每星期一日父母才回来带他出去食饭见面，「咁4岁嗰年……（哽咽）有一日，我知佢两个嗌交，我阿妈拖住我离开嗰间房，喺厅度拉住我问我，佢叫我跟佢走，我当时冇跟佢走，我话：『唔得，我要跟住阿爸』，因为我知跟住阿爸就可以返去阿嫲度，我唔知道呢次一松开手，系30几年再冇见过佢。如果有机会畀我拣多次，我打死都唔会放手！」然后他说公司曾经要求他改艺名 但他坚持想用回张頴康这名字，就是想母亲认回他，说：「佢离开咗咁多年，我就等咗咁多年，希望有一日会等到。」
因为有这样的童年，阿康年纪轻轻已非常懂事，他回忆说从小到大玩具对他都不重要，只因5岁时他叫过嫲嫲给他买玩具，但从此没叫再买。他说：「因想有钱都想留返阿嫲自己使，玩具同阿嫲相比，阿嫲更加重要，有佢嘅爱，有佢陪住我。」阿康说著嫲嫲很爱锡他，为了陪他，不识字的嫲嫲每日就在写自己的名字，目的是不想他一个人做功课，至此他又再忍不住哽咽。
阿康与太太麦雅致育有5岁大女小豆和1岁囝囝小花生，在大女出世前他都不会庆祝生日；他说囝囝出世后，他终于感受到一家人整整齐齐简单生活有多美好。节目播出后，太太在脸书留言：「今晚呢集你哋有冇睇啊？我哋一齐睇，一齐眼湿湿⋯ 好催泪⋯ 小豆其实未完全明白，佢见到爸爸流泪，佢就有啲担心⋯ 佢知道爸爸小时候，就系由嫲嫲照顾嘅⋯ 小豆同爸爸讲，你嫲嫲去咗个🌙moon度嘛⋯ 你之后都会去个🌙moon 度，咪可以见返佢罗⋯ （佢讲起上嚟眼神好坚定，并不伤感⋯ ）对佢来讲最重要就系爸爸唔好喊，唔好唔开心。我相信有小豆呢粒开心果，爸爸嘅内心⋯早已修补过来！」